RUGBY, so vêr my kennis strek, is die enigste sportsoort wat in die hemel ontwerp is. My predikant sê so, en oor die algemeen is hy nie 'n ou wat baie lieg nie. Hy sê ook die hemel is een groot rugbyveld waar 'n mens dag in en dag uit rugby speel. Sonder om seer te kry. En daar is nie Australiese of Nieu-Seelandse skeidsregters nie. 'n Baie goeie bewys dat die hemel werklik hemel is.

Hierdie blad is opgestel in 'n beskeie poging om die evangelie van RUGBY wêreldwyd te versprei. Volg net die skakels na die verskillende aspekte van die sport. Die leek wat hierdie blaaie onder die knie kry, staan 'n baie goeie kans om vir sy land te speel. Veral as hy in plekke soos Wallis of Skotland bly.

Hou in gedagte dat feite foute op hierdie blaaie kan voorkom, en ek sal dit waardeer as dit onder my aandag gebring word.